Bi errealitate oso bestelako ezagutzeko aukera izan dute lasarteoriatarrek Okendo Zinema Taldearen proposamenen bidez. Ostiralean, Cabeza y corazón dokumentalak desgaitasuna duten emakumezko kirolariena; larunbatean, berriz, Jon Mirande idazle zuberotarrarena. Batean zein besteak edukiari buruz hitz egiteko aukera izan dute lanean parte hartu duten ordezkariekin. 

Alboka eta San Salvatore abesbatzek aurrera daramaten elkartruke egitasmoaren barruan, italiarrak ostegunean heldu ziren Lasarte-Oriara. Beste ekimenen artean, larunbat arratsaldean kontzertua eman dute Ama Brigitarren komentuan. Herritarrek kapera ia bete dute, eta ordubete iraun duen saioaz gozatzeko aukera izan dute.