Boluntario talde horrek "komunitate gisa definitzen gaituzten balioekin bat" egiten dutela nabarmendu du Agustin Valdivia alkateak: "Elkartasuna, konpromisoa eta zerbitzua dira euren ezaugarri nagusiak". Hilaren 27ko helduen txupinazoa jaurtiko dute, 19:00etan, eta omenaldi instituzionala jasoko dute bi egun geroago, kultur etxean. Ekimen horiek eta prestatzen ari diren beste guztiak jasoko dituen programa ilustratuko duen afixaren berri ere eman dute agerraldian: Jesus Garcia Vivar burgostarraren 'Intxisu txupinazoa' lana saritu dute.

Haurren txupinazoa jaurti dute, eta auzoko dozena bat gazteek irakurri dute pregoi polita. Jarraian, ikusgai izan da zabaletatarren talentua, oholtzan. Bakarka edo taldean, dantzatzeko eta kantatzeko aukera izan dute animatu direnek. Publikokoek ere eurekin batera gozatzeko aukera izan dute, noski. Bien bitartean, ilara handia sortu da haurrentzako eta helduentzako kamisetak eta jertseak serigrafiatzeko postuak. Jaiekin era ederrean hasi dira bizilagunak.