40 bat herritarrek parte hartu dute elkarteak antolatutako garagardo dastaketan eta ostiral gau berezia igaro dute egoitzan. Beerbao enpresako Alberto Calvok bost garagardo aurkeztu eta bakoitzaren ezaugarrien berri eman die. Zaporeari lotutakoz gain, dastaketarako aukeratutako pintxoarekin zergatik uztatu duten ere azaldu die. Banan bana egin du saioan zehar, garagardoa eta zegokion mokadua hartzeko tarte bat emanez, hurrengoari ekin aurretik. Lehena, Whiplash Beer-en Bone Machine garagardoa, oilasko hegalekin batera hartu dute; bigarrena izan den Kataluniako Cyclic Beer Farm-en Pomelo del huerto, berriz, lepape iberikoarekin. Jan eta edan bitartean, mahai artean ibili den Calvori galderak eta iruzkinak egin dizkiote.