Gero, zorioneko txertoa asmatuz gero, berriz ere garaitezin ikusten dugu geure burua eta hasi gara tximinoarena egiten. Zer da komeni ez dena? Ba hura egingo dugu. Eta ez gazteek bakarrik, guztiok egin dugu momenturen batean egin behar ez genuen zerbait. Eroso bizi izanaren zantzua da hori, kate motzean denbora batean lotuta egon ondoren, galdutako denbora errekuperatu nahia.
Horrek atzerapausoak dakartzala birusaren kontrako borrokan? “Alla kuidados”. Gora Darwinen legea eta iraun dezala egoerara ondoen egokitzen denak. Azken batean, gizakia desagertzera bidean doa eta ondo merezita gainera. Denbora kontua da: atzera bidean lehen lehenik tximino bihurtuko gara berriz ere eta ondoren, kitto.