Mendizabalek 2000 metroko proba egin zuen beste zortzi kirolariren aurka eta seigarren postuan amaitu zuen lehia, bosgarrenarekin berdindua.
Lehen aldia da herritarra horrelako txapelketa batean lehiatzen dena eta arraun elkarteko arduradunek jakitera eman dutenez, "Arraun-ergometroko Espainiako txapelketak, iazkoarekin alderatuz, maila altuxeagoa izan du, eta halere, Leirek eta Enekok lan ederra egin dute estreinako lehiaketa zutela kontuan izanik".
San Pedroko Testa
Uretara eginez, traineruek denboraldi aurreko azken jardunaldia izan zuten hilaren 16an, Pasaian, San Pedroko XV. Test estropada. Erlojupeko modura lehiatu zen proba eta herritarrak dituzten Hondarribia eta Donostia Arraun Lagunak bertan izan ziren borrokan.
Lehia estua izan zen lehen postuetan. Donostiarra izan zen garaile (10.38,98) eta gutxira geratu zen Donostia Arraun Lagunak (10.40,98). Hondarribia, aldiz, seigarren (11.01,63) izan zen.