Beltzez jantzita eta apaingarri horiekin aldare aurrean kokatuta abestu du koruak. Gizon eta emakumez osatua, hamahiru abestiko errepertorioa eskaini dute:
- Benedetto sia lo giorno. Giovanni Animuccia
- Sub tuum praesidium. Marco Frisina
- Ubi caritas. Ola Gjeilo
- In monte oliveti. Giorgio Susana
- Tenebrae factae sunt. Marc'Antonio Ingegneri
- O filii et filiae. Ivo Antognini
- Regina coeli. Giovanni Giacomo Gastoldi
- Esta tierra. Javier Busto
- Deep river. Jean Pagot
- Vieni sul mar. Stefano Da Ros
- Laila oh! Bepi De Marzi
- Resterà la luce. Giorgio Susana
- San Salvatore. Italo Bianchi
Ondoren, Albokako kideek arrosak oparitu dizkiote eta Montse Latorrek txapela jarri dio Corale San Salvatoreko zuzendari Stefano Granzottori, txalo artean. Eskerrak eman dizkie, "hizki larriz", Granzottok Albokako lagunei "hitz gutxikoak" izan arren, egindako harrera eta harremanagatik. Amaitzeko, bi abesti kantatu dituzte elkarrekin eta talde argazkia egin dute.
