Autorik gabeko eguna da irailaren 22a, eta gaiaz jabetu eta ohiturak aldatzeko, askotariko ekintzak antolatu ditu Artelatzek, udalarekin elkarlanean.
Egun bakarrean egingo dira aurten antolatutako ekintza guztiak: irailaren 20an, osteguna.
Bigarren eskuko bizikleten merkatuak irekiko du arratsaldea. Okendo plazan egingo dute, eta 16:30ean zabalduko ditu ateak, baina bizikletak saldu nahi dituztenek 15:00etatik aurrera entregatu beharko dizkiote antolakuntzari.
400 euro arteko bizikletak bakarrik saldu ahal izango dira, eta 20:00ak arte izango da zabalik.
Bien bitartean, bizikleta martxa abiatuko da 16:30ean Okendotik. Parte hartzaileek bizikleta eta kaskoa eraman beharko dituzte.
18:00etan Ipar Martxako ibilaldia egingo dute Ostadar SKTko taldeak antolatuta.Arratsaldean jolasak ere egingo dituzte kalean.
Manttangorri, doan
Irailaren 21ean, ostiralean, Manttangorri hiribusaren zerbitzua doakoa izango da erabiltzaile guztientzat.