Hormek esango luketena erreferentziatzat hartuta, Haatik Dantza Konpainiak ikuskizun berezia taularatu zuen atzo arratsaldean kultur etxean, elkarbizitzaren zailtasun eta arazoez hausnartzea xede duena: generoen arteko desberdintasuna, gizartearen automatismoa... Aiert eta Olatz Beobideren zuzendaritzapean, eszenaratze indartsu eta erakargarriko lana da 'Hormek diote on stage'.
2016ko kultur hiriburutzarako sortutako ikuskizuna izan zen 'Hormek diote on stage'. Kalerako sortutako bost pieza labur oinarritzat hartu eta antzokirako prestatutako ikuskizuna eratu du Haatikek. Gogotik gozatu zuten herritarrek atzo arratsaldeko emanaldian, hormek ziotena entzuten.