Lasarte-Oria jaietan egon arren, Buruntzaldea IKT-ko igerilariek hitzordu garrantzitsua zuten asteburuan. Guztira 21 domina irabazi zituzteninfantil, junior eta absolutu mailako Gipuzkoako Udako Txapelketetan. Horietatik, urrezko 11, zilarrezko zazpi eta brontzezko lau.
Mikel Esnalek, Iñigo Ibarburuk eta Haitz Mitxelenak lan bikaina egin zuten absolutu mailan. Kategoria honetan dominarik banatzen ez den arren, 50 metro estilo librean eta 50 metro tximeleta estiloan onena Esnal izan zen. Bizkar estiloko 50 metroetan, berriz, hirugarren amaitu zuen. Bestalde, Mitxelenak bigarren denborarik onena egin zuen 200 metro tximeleta estiloan. 800 metro estilo librekoan nagusi izan zen Ibarburu, 50 metro tximeleta estiloan Esnalen atzetik sailkatzeaz gain.
Jubenilei dagokienez, oso lan txukuna egin zuten Nahia Jie Villamedianak, Unai Irigorasek, Beñat Alkortak, Xabier Alonsok eta Jon Ibargoyenek.
Neska infantilak izan ziren txapelketan domina gehien etxeratu ziztuztenak. Parte hartutako banakako froga guztietan nagusi izan zen Leire Martin, bere adineko EAEko errekor berria ezarriz 400 metro estilo librean. Ahizpa Ainhoa atzetik sailkatu zen hiru frogatan, zilarrezko hiru domina etxeratuz. Paula Sevillanok, berriz, brontzea eskuratu zuen 100 metro bizkar estiloan. Nora Qian Villamedianak eta Lander Sorozabalek ere denbora onak egin zituzten.
Errelebuetan, infantil neskek hiru domina irabazi zituzten, urrezko, zilarrezko eta brontzezko bana.