Denera 8.508 euro eman ditu udalak diru laguntzetan, iaz kirol jarduerak antolatu zituzten elkarteak babesteko.
Lasarte-Oria Bai! Kros Herrikoia antolatzeagatik 2.720 euro inguru jasoko ditu Ostadar SKTk. Kirol elkartearen urteroko hitzordu garrantzitsuenetakoa da. Saskibaloiko 3x3 torneoa antolatzeagatik, berriz, 880 euro emango dizkiote Ostadarreko Saskibaloi sailari. Eta saskibaloiko selekzioen topaketagatik, 1.430 euro. Azkenik, bolo eta toka tiradak San Pedro jaietan egiteagatik, 1.310 euro.
Buruntzaldea IKTk antolaturiko bi jarduera babestu ditu udalak. Batetik, Lasarte-Oria igeriketa saria 592 eurorekin lagundu du. Bestetik, Masterrak Itsasora Kanpusa, 98 eurorekin.
Sasoeta Sasoian elkarteak 1.310 euro jasoko ditu Jose Martija txapelketagatik. Eta mendiko bizikletaz Leitzara ibilaldia egiteagatik, aldiz, 165 euro.