Kadete mailakoan, esaterako, onenen artean dago Asier Pozo. Orain arteko lasterketetan 104 puntu pilatu ditu; laugarren marka onena da hori. Pozoren taldekide Aaron Anzizar eta Markel Aristegik ere puntuatu dute aurten; 11 eta 4 poltsikoratu dituzte, hurrenez hurren.
Junior mailan, hamar onenen artean sartzear da Luken Carbayeda. 45 puntu bildu ditu aurten, oraingoz; hamargarren onenak bezainbeste poltsikoratu ditu eta bederatzigarrenak baino bat gutxiago besterik ez dauka. Oier Urbizu taldekideak ere batu ditu zenbait puntu aurtengo denboraldian: bost zakuratu ditu orain arteko lasterketetan.